ابوذيات عراقيه – ابوذيات شعريه – مسجات ابوذيات عراقيه

مكتبة الابوذيات – ابوذيات شعر شعبي عراقي
ابوذيات عراقيه   ابوذيات شعريه   مسجات ابوذيات عراقيه
متت وحساب حبك هيج أذاني
وصرت مجبور اجرلك هيج اذاني
تدري اشلون أأذن هيج اذاني
اشهد ان حبــك مــو بــديــه

أسب كلمن يلوم العشك وشتم ..
وعلى صدري اضمك حيل وشتم ..
انام اوياك طول أبطول وشتم ..
عـطـرخـدك يـرد اروح الــيــه .

جرح جرحي ياروح الروح ما هاد
زماني مجلب بثوبي وابد ما هاد
انوليت واخوي.ابد.ما هد
الف وسفة معاهم هد عليه

نجن كلبي من شافك ودرباك
وحرت اشلون اعلمنك ودرباك
كضيته ازحوف شارعكم ودرباك
وزلغت الركب وعكوس اديه

وأنا اشكيلك اجروحي اشلون .. فرعن
وگلبي اللــي ابغيابك علــــيَّ .. فرعن
واذا حكمــــك ويــاي ابحكــم .. فرعون
عــصــت مـوسـى آنــه ابـيـن اديــــه
**
وأبطل بالعصـــى سحرك .. وكيداك
وآخـــذ حگي أنا بيدي .. وكيداك
جـــوه وتشلع ابگلبـي .. وكيداك
دجر ايدك ، شنو ماتحس بيه !؟؟

السابق

خلفيات سطح المكتب – ..

التالي

تصاميم فوتوشوب – صو ..

تعليقان

أضف تعليقا ←

  1. Mustafa قال:

    قلم قلــــبي تداين ورقه منك
    لأن ماكو بجمالك وارقه منك …..
    بسجلك انت الأول ورقمنك ….
    وأكتب لافته محجوز اليه
    ** ** **
    المحبـــوب أفكر ليـــل وانهار..
    ودمع عيني بغيابك بحر وأنهار..
    جبل آنا بمحبتك طاح وأنهار..
    لأن حبك زلازل ومر عليه…

    اسقي ضماي من شفاك ورده
    يلخدك جميل تقول ورده
    ردية احوالي بين الناس وارده
    اذا بالبوسة هم تبخل عليه
    ** ** **
    مو حب بكَلبي هذا ورم شاك
    واذوب بشوفة عيونك ورمشاك
    اظل للموت امشي ورة مشاك
    لأن روحي التحبك مو بدية

    احبة وما احب واحد بداله
    وياذنب البدة مني وبداله
    الك منصوب بقليبي بداله
    خطك على النبض يشتغل بيه

    حبك فرض واجب وقبلة
    وجمالك منوجد بعدة وقبلة
    ردت بس الزم شفافة واقبلة
    اقبلة كل صباح وكل مسية

    يسالني العشكَـ عنك وردله
    حلو الخدين شايل ورد له
    احلفت ما اوصل لداره وردله
    اشوفني وصلت من غصبن عليه

    اريد الزم ارموشك وكحلك
    خافن ترمش لغيري وكح لك
    دايخ بالخصر داير وكحلك
    خصر تفصال تتكلب عليه

    حبيبي ارجوك حاجيني شمالك
    تهت مابين غربك من شمالك
    صرت انته الهوى واشتم شمالك
    واذكرك من تهب ريحك عليه

    نثرت دموعي للاسمر والاكحل
    وصبغ وجانتي على خدودي ولك حل
    صدكني سهل انت ولك حل
    احلك لو ترد انت علية

    على ضيم الهوى ياروح علمي
    وبيها ارفعت اني اليوم علمي
    اسالتها المستوى وتكول علمي
    بخامس باء يالتسال عليه

    قلبي انت ملكته وانت حر بيه
    عليل وطبي عندك وانت حر بيه
    كاس السم اشربه وانتحر بيه
    اذا غيرك يمس اطراف ادية

    الك ياصاح ماظل مني خاطر
    واحسبه احساب دربك من اخاطر
    تعال كرب حبيبي مني خاطر
    تعرف اجنون حبك اسوه بيه

    حبيبي شلون ماحبك ولابيك
    وامك ماتحن مثلي ولا بيك
    يكون لوعاتك بية ولابيك
    وحول كل الم منك اليه

    احبك واليمانع من وريدك
    وحس بقلبي ينبض من وريدك
    كل الي صار بية من ورة ايدك
    وبعدني اهواك انا مو بدية

    ألك كل يوم أنا أتعنه وصل بيك…
    عنادك وين يبنادم وصل بيك…
    حبيبي وشايل بجيبي وصل بيك
    وبيك باجر ينطوني هوية

    اليالي سود من بعدك …شكن لك
    والك جم زيج يا الغالي…شكن لك
    على غيابك شسولفلك …شكلك
    وحيدي والخلك كلهم عليه

    تطشر حبي يمك ..وانتشربك
    ولضل بس انت اوكلك ..وانتشربك
    حبيبي وخلي احضنك..ونتشربك
    واريدن احضنك حضنه قويه

    تعال لبيت دلالي ور البيت
    والك اكتب شعر بيتا وره البيت
    حبيبي وأرد اشوفنك وره البيت
    واذا بالبيت اويلي شلون بيه

    احبك ياحلو من يوم ماشفتك
    معجب اني بعيونك وشفتك
    البوسه اخذها من عيونك وشفتك
    اموت اذا واحد غير مر على بالك

    نص الليل ونت
    لان برغي القلب مفتوح والنت
    ادور عليك بالجات والنت
    وينك ياحلو بس مر عليه

    سفن حبك بشؤاطي القلب شرعن
    وسهم حبك نبت بحشاي شرعن
    اريدمذهب يحلل البوس شرعن
    واذا ماكو راح ارد للجاهلية

    عمي ذبت بغرامك مايع اني
    ومنو بهجر الغوالي مايعاني
    نشف من اثر هجرك ماي عيني
    وبقى بس القهر والضيم بيه

    اليريد الحلو لابد ويامر
    وحبيب الروح يدلل ويأمر
    اصيرن نار من يبعد ويامر
    وارد قالب ثلج لو رد عليه

    نحيل الجسم من بعدك تراني
    واريدك دوم بعيونك تراني
    افكر بيك كل لحظه تراني
    واسالك هم تفكر دوم بيه

    اريد افرمت كلبي والغي رامه
    واريد اشيل العشك منه والغرامه
    عليك انت المخطط و الغرامه
    لأن حسنك كسر غفلة عليه

    عزيز وشوفتك عندي محله
    والك كعده وسط الكلب محله
    حبيبي جيتك لينه محليه
    خلي طيفك مره يمر بينا

    صحيح بعيد … بس قلبي شعر بيك
    حزين وباقي بس يكتب …شعر بيك
    عجيبه شلون باقي اسود شعر بيك
    أنه بفرقاك ماظل شعر بيه

    يلوم المادره بروحي شمرها
    مايدري الدهر عن ودهم شمرها
    ليالي افراكهم والله شمرها
    أمر من المنازع بالمنيه

    خربط وعدل بكيفك وشربك
    وبان الغيض بعيونك وشربيك

    اجرعك لو جنت حنضل واشربك وأحبك لو جنت جتال اليـــه

    **********
    عذاب البرزخ انه تعذبت بيك
    لكن بالكَلب ضل حبك يزيد واذا كَالولي عوفه وجنه ننطيك
    اريدن برزخك أي جنه ماريد
    **********
    من كد ماحلو محد مشة وياك
    والماشاك هم ماظل يماشيك
    هوة ماشاف دربة تعثر وطاح
    لأن كضاها بس يعاين عليك
    *********************
    العشك موعيب بي رخصة وذن بي
    وذنب الكلب موذنبج وذنبي
    الكلب بي عين بي شفة وذن بي
    شافج واستمعلج صاح هيه
    ***********
    انته لوحي امه وانته باه
    وبحبك انزامط احنه ونتباه
    سلب عكَلي مني وانتباه
    متت ماضل كل نفس بيه
    **********
    ساعه انته اعله مني وساعه دوني
    وساعه تصير زين وساعه دوني
    يهل ماساعدت من ساعدوني
    تساعدني شوكت يوم المنيه
    ******
    امس حلمان وبطيفي شفته
    واسف مالاحن شفافي شفته
    مريضه وبوسه من عندي شفته
    والمه اندار كله وصار بيه
    **********
    ابوس خدوده اتمنه واشمه
    بزنده يصير ريت اسمي وشمه
    شنو ابوه اليمانع وش امه
    انه الماعوفه لحد المنيه
    **********
    احنه المانطخ لحد ما هوينه
    ولتصدك بعد نهوه ما هوينه
    يلتدور الكَلب وينه ماهو وينه
    شلته من الجسد كَطعته باديه
    **********
    حبيبي انه منك وانته مني
    وصدك كلمن يون لك ونته مني
    صرت للاهات مأوه وانتمن لي
    وصرت حاوي لكل اذيه
    *********
    – شتظن اجيب الروح يمك واذله
    عيوني من تطيح مادنكَله…
    ************
    حبيبي باب كلبك جامعتنه
    وتدري الصدفة كتلك جامعتنه
    سوي انت استضافة بجامعتنه
    العميد يكوم ياخذلك تحية

    ……………………

    دليلي من لهيب الشوك سلواي
    وظلت بس دمعتي عليك سلواي
    واذا كتلك آنه متت سلواي
    والبعد أثر حيل بيه

    ……………………..

    لـغـزحـبـك بـكلـبـي مـا تـحـلـه.
    مــن بـعـدك ريـجـي حـنـظـل مـاتـحـلـه.
    أنـعـكـدكـلـبـي وي كـلبـك مـا تـحـلـه.
    يـظـل مـعـكـودلاخـــرنـفـس بـيـه..

    ……………………..

    هموم هواك ما خلــــــــن .. علي حال
    فريضة وحبك مـــــــــن الله .. علي حال
    يالتنشد على حالــــــــي .. علي حال
    شيفيد النشد عالصار بيـه

    ……………………..

    يدهري بهاي ولة بذيج وصاك
    وهاك اخذ مني الشيك والصك
    اني الجنت ادور الزين والصاك
    هسة العاوي ظل يتندل علية

    ………………………

    وحك الله ونبي الرحمه وعلينه
    بحبك للسمه اوصلنه وعلينه
    يديمك ياعراق النه وعلينه
    تضل خيمه بحق حامي الحميه

    …………………………

    وحك العين ثم اللام وليه
    سالت اعليك من الراح وليه
    انوليت من الشماته اشلون وليه
    شماته اومابهم كالمرحميه

    ……………………….

    اشد حبل الوصل والكها محتل
    بسبب لن التريده الروح محتل
    سكن قلبي ورصيت يكون محتل
    وجبتله الكرسي ريسته عليه

    ……………………….

    يغم وكتي عله حبلك منشراني
    بعتني بسوك غدرك منشراني
    اذا صاج انت جفك منشراني
    وحك ربك اكطعه العال بيه

    ……………………….

    انا الما اكرر بحجيي ولا عيد
    ولا احسب بزلاتك ولا عد
    شمالك ما تمر بية ولا عيد
    الخلل مدري بجنابك مدري بيه

  2. توتو قال:

    فتحولي كلبي اليوم مو دم يغذيه
    كالولي بالتحليل اسمك طلع بيه

اترك تعليقاً