العودة   مجتمع الاحلام » القسم التقني » شروحات و برامج الاندرويد جالاكسي

نقل الوسائط ( موسيقى + فديو + صور ) لل(iPhone و iPad) عن طريق iTunes

  1  
قديم 2011-11-30, 07:05 AM ψ EMINEM ψ


مرحبا

حبيت اسوي هذا الموضوع الي رح يساعدكم وخصوصا للمستخدمين الجدد للاي فون والاي باد بعمليه نقل الوسائط

بهذا الموضوع رح اشرح طريقه نقل الموسيقى والفيديوات والصور من الكومبيوتر للاي فون او الاي باد او الاي بود

من الشغلات السلبيه بمنتجات ابل هي انه طريقه تنزيل المحتويات للجهاز عن طريق الاي تونز فقط
فحته نكدر انزل المحتويات للجهاز لازم اول شي يكون عدنه برنامج الاي تونز ع الحاسبه
لتحميل الاي تونز من هذا الرابط : Apple - iTunes - Download iTunes Now

بعد منزل الاي تونز ع الحاسبه نفتح البرنامج
ونوصل الاي فون بالحاسبه
فمن ينفتح الاي تونز رح يطلع بهالشكل :

نقل الوسائط ( موسيقى + فديو + صور ) لل(iPhone و iPad) عن طريق iTunes


الي يهمنه بالبرنامج بنقل الملفات والصور الخ , هنه بس ذني الي اشرت عليهن بالمستطيل
ال library و ال device

هسه نجي لطريقه نقل الموسيقى من الحاسبه للجهاز
اول شي نسوي نفتح music من الlibrary (الي ماشر عليها بمستطيل احمر بالصورة)

نقل الوسائط ( موسيقى + فديو + صور ) لل(iPhone و iPad) عن طريق iTunes


رح تطلع ع اليمنه قائمه الاغاني مثل مشايفين
واذا الجهاز جديد رح تكون القائمه فارغه
وراها اي موسيقى نريد نخليها بالجهاز نضيفها للقائمه بطريقه السحب والافلات (يعني ناشر ع الاغاني الي بالحاسبه وبعدين نسحبهن بالماوس للبرنامج ونهد الماوس بمكان القائمه)
بهالطريقه رح يكونن ذني الاغاني موجودات بالجهاز ومن هاي القائمه اذا ضفنه اي شي جديد رح يطلع بالجهاز واذا مسحنه اي اغنيه رح تنمسح من الجهاز
وراها نروح على الdevice حته نسوي خيارات المزامنه (المزامنه sync هي عبارة عن نقل البيانات من الحاسبه للجهاز وبالعكس)
طبعا الdevice موضح مكانه بالصورة , والي ماشره بالمستطيل الاحمر

نقل الوسائط ( موسيقى + فديو + صور ) لل(iPhone و iPad) عن طريق iTunes


ورح نشوف التبويبات الفوك الي مشارهن بالمستطيل الازرك
وراها نختار music الي مشارها بالمستطيل الاخضر
رح تطلعنا هاي الصفحه :

نقل الوسائط ( موسيقى + فديو + صور ) لل(iPhone و iPad) عن طريق iTunes


وناشر على الاختيار sync music الي ماشره بالمستطيل الاحمر
ورح تكمل عمليه المزامنه
يعني بعد شنخلي بالقائمه مال اغاني الي موجوده بال library رح نلكيها بالجهاز واي شي نمسحه او نغير اسمه من القائمه فرح يتغير بالجهاز




------------------------------

هسه نجي لعمليه نقل مقاطع الفديو
العمليه مشابهه لعمليه نقل الموسيقى
هم نختار movies من ال library ونخلي بيها مقاطع الفديو بطريقه السحب والافلات

نقل الوسائط ( موسيقى + فديو + صور ) لل(iPhone و iPad) عن طريق iTunes


وبعدين نروح ع الdevice ونختار movies وناشر على اختيار sync movies وراها ناشر على اختيار automatically include

نقل الوسائط ( موسيقى + فديو + صور ) لل(iPhone و iPad) عن طريق iTunes


وهسه اي مقطع فديو نخلي بالlibrary رح يطلع بالجهاز

-----------------------------

نقل الصور :
اول شي نسوي نروح بالحاسبه ونسوي مجلد ونسمي اي اسم , مثلا اني مسمي apple
والافضل تخلون المجلد بالمستندات او اي مكان يعجبكم
وهسه اي صورة نريد ندخلها للجهاز نخليها بهذا المجلد
واذا نريد بالجهاز تطلع مجلدات بيها صور
فبالمجلد الرئيسي الي اني سميته apple نسوي مجلدات ونخلي بيهن الصور
وهذا مثال من حاسبتي :

نقل الوسائط ( موسيقى + فديو + صور ) لل(iPhone و iPad) عن طريق iTunes


وراها نروح للاي تونز
ونختار device وراها نختار photos من فوك
رح تطلعنه هاي الصورة :

نقل الوسائط ( موسيقى + فديو + صور ) لل(iPhone و iPad) عن طريق iTunes


وراها ناشر ع الاختيار sync photos from
ونختار الفولدر الي رح تنقل الصور منه للجهاز , والي بحالتي مثلا مسمي apple

هسه بعد كلشي اخلي بالمجلد الي سميته apple رح يطلع بالجهاز وبنفس الفولدرات والترتيب الموجود بيه


ملاحظة : بحاله الجهاز موصل بالحاسبه وضفنه مقاطع موسيقيه او فديو او صور ضفناهن للحافظة
مرح يطلعن راسا بالجهاز فلازم نختار device (الي ماشرها بالاحمر) وراها نختار sync (الي ماشرها بالازرك)
ورح ينقلن للجهاز ,

نقل الوسائط ( موسيقى + فديو + صور ) لل(iPhone و iPad) عن طريق iTunes


اذا مسوينه هيج فهم مو مشكله من ينفصل الجهاز ويرجع يتوصل للحاسبه رح تصير عمليه مزامنه تلقائيه
ورح تنقل الملفات للجهاز


هذا كلشي بالنسبه لنقل الوسائط من الحاسبه للاي فون او الاي باد او الاي بود
اتمنى تستفادون منه


تابع روابط مواضيع تهمك :


    من مواضيع : ψ EMINEM ψ - اطول جسر بالعالم في الصين

    - اجدد صور النجمه التركيه لميس

    - خلفيات ايفون للبنات كشخه - iPhone Wallpapers

    - نقل الوسائط ( موسيقى + فديو + صور ) لل(iPhone و iPad) عن طريق iTunes

    - خلفيات رمضانية لسطح المكتب

      3  
    قديم 2012-02-15, 09:51 AM the x man

    يسلمووووووووووووو

    إضافة رد


    اكتب تعليقك هنا
    اسم العضو:
    سؤال التحقق

    أدوات الموضوع إبحث في الموضوع
    إبحث في الموضوع:

    البحث المتقدم
    تقييم هذا الموضوع
    تقييم هذا الموضوع:

    الانتقال السريع


    الساعة الآن 10:03 PM.


    ®Powered by vBulletin
    جميع الحقوق © 2008 - 2017 محفوظة لمجتمع الاحلام