العودة   مجتمع الاحلام » القسم الادبي » قصائد الشعر العربي,اشعار عربيه بالفصحى

عملتى أيه

  1  
قديم 2009-12-20, 09:47 AM د. محمد عبد المطلب جاد


عملتى أيه ؟



عملتى أيه قولى لى يا ساحرة فى الستات


عجيبه ،انا كنت باعتهم


عشان يتعلموا اختبارات


لقيتهم رجعوا بيقولوا هناك واحدة


أميرة بنت ناس باشوات


لسانها أحلى م السكر


كلامها شهد ومقطر


ودوده وشها منور


لطيفه زى طير أخضر


فراشه طايره بتدور


على الفراشات




أدب عالى ملوهش وجود


كمال ووقاره غير محدود


كلامها عندها معدود


وعقل بحكمة بيفكر


حكاية كنا نسمعها


زمان فى ألف ليلة وليلة


فى الروايات




تنادى إسمها فورا تشق الأرض تلقاها


تقول عاوز ، وقبل ما تكمل الجملة


تلاقى الحاجة جايباها


مهيش من عالم الدنيا


ولا عاشت فى وسط بنات




ملاك من نور


وطيف بيدور


وصحبة ورد


كله عطور


عملتى أيه ياست الكل فى الستات




دى واحده راجعة بتسبّح


وراجعه الثانية بتمدّح


وثالثه قاعدة وبتشرح





بيحكوا قصة الحوريه ست ساعات




ودا غير اللى رجالتى قالوه عنك


فريده ف كل شىء نادره مفيش منك


أسرتى الناس وحبوكى لحد ما شهدت الستات


ودى موش عادة الستات


**


وليه ما أكونش من بينهم


وليه ما اكونش انا بالذات


أنا هفضل أصور قصة
الجنيّة فى شعرى


وهفضل أنشر الأبيات
كده ع الويب طول عمرى


واقول فيه واحدة موش
ممكن تكون إلا من الملكات


وحورية تلخص أحلى
ما فى الكون من النسمات


وقلب يساع جميع الكون
بالحنية والرحمات



وسامحينى ما تتخضيش


أنا عارفك ما بتحبيش


تقولى حاجه عن نفسك


ولا قولتى فى مرة انك


عملتى أيه ولا انتى ف أيه


ولا مرة حكيتى لنا


انتى تبقى مين


ومن بيت مين


ولا انتى منين



واشوفك أقول : مهوش معقول


تكون موش لاقيه أكل كثير


ولا معقول تكون قاصده
رجيم ( تكدير)


ولا معقول يكون الوزن ده تدبير


وانا شاعر بحس النفس من جوه


وسيكولوجى بشوف النفس مجلوه


ولما النفس تبقى ملاك


ما تبقاش متعته فى الأكل


ملوش غير روح عايش ليها


يوزع لقمته ع الكل


وكل المتعه روحانى


وكل جماله جوانى


ولا يهموش جمال الشكل



وسحره بييجى من جواه


بديع ف لغاه


عطوف ف عطاه


بيكتب إسمه ف الدنيا
سطور من نور


يخلد ذكره فى الأرواح
دهور ودهور


وسامحينى أنا مبهور



وموش قادر أصدق إن شتلاية


من الزمن الجميل عاشت


لحد اليوم وجايه تنزرع


فى جنينه من غير سور



يا شتلاية زمان السحر


فى زمانا


بقت كل الأراضى بور



غريبه انتى


وكل الناس شايفاكى


غريبه فى زمان مكسور


زمن مقهور



زمن لا يعرف الملكة


ولا شاف الكمال والنور



وسامحينى


إذا فضلت ابكى ع الكاملين


وع الزمن الجميل ده سنين


كنا فين؟ ، بقينا فين؟


ورايحين فين؟


ومين ينده على الماضى


يرجع سيرة الكاملين؟!



يرجع نفس
أغلى ما فيها جوهرها


وعايشه عارفة مقدارها


عشان تدى وتنشر خير



وكان أرفع وسام لو قالوا


إن فلان عقله كبير وقلبه كبير



بقى الوقتى الوسام هوه


ان كرشه كبير


فلوسه كتير



زمن خربان


زمن حيتان


وسامحينى أنا معذور


لقيت واحدة من المحظور


غريبة من بنات الحور


سامحينى


**


د. محمد عبد المطلب جاد


أستاذ سيكولوجيا الإبداع - جامعة طنطا







عملتى أيه د. محمد عبد المطلب جاد 5.00
من مواضيع : د. محمد عبد المطلب جاد - افتحى قلبك

- شعر عربي فصيح,قمت اصبح

- تعلم

- من دروس الحذاء (1)

- قبل إفطارى (3)

  2  
قديم 2009-12-20, 11:33 AM سوسو

الله الله

تسلم يداك على ذوقك الرائع الف شكر الى قلمك المبدع

دكتور محمد جاد المحترم

تحياتى لكلماتك الجميلة البديعة



احلى تقيم ويثبت الموضوع
تحياتي سوسو




من مواضيع : سوسو - الحياة ساعه : والوادع لحظه

- كلمات اعجباتني

- كلمات اغاني نجاة الصغيره,متى ستعرف كم أهواك ياأملا

- اعذريني يا لهدايا

- يغرق الرجال في الحب بعينه والمراه باادنيها

  3  
قديم 2009-12-20, 07:31 PM د. محمد عبد المطلب جاد

المشاركة الأصلية كتبت بواسطة سوسو مشاهدة المشاركة
الله الله


تسلم يداك على ذوقك الرائع الف شكر الى قلمك المبدع

دكتور محمد جاد المحترم

تحياتى لكلماتك الجميلة البديعة


احلى تقيم ويثبت الموضوع
تحياتي سوسو
الله يجبر خاطرك يا بنتى
الله يسعدك يا قرة عين بابا
ترعاك عين الله يا ابنتى


من مواضيع : د. محمد عبد المطلب جاد - صباحك سكر

- يا رب عزة (1)

- يبدو مستحيلا

- من دروس الحذاء (4)

- يا رب غزة (3)

  4  
قديم 2009-12-20, 09:36 PM الاخت الكبرى

بقت كل الأراضى بور



غريبه انتى


وكل الناس شايفاكى


غريبه فى زمان مكسور


زمن مقهور



زمن لا يعرف الملكة


ولا شاف الكمال والنور

الف شكر دكتور

كلام جميل عاشت ايدك


من مواضيع : الاخت الكبرى - اعتذر من قلبي

- نهر ب 5 الوان

- رحلتي وتركتيني في حرقه والتياع

- دبي لاند مدينة الاحلام

- قصيدة الدار وحشه

  5  
قديم 2009-12-21, 03:36 AM د. محمد عبد المطلب جاد

المشاركة الأصلية كتبت بواسطة الاخت الكبرى مشاهدة المشاركة
بقت كل الأراضى بور



غريبه انتى


وكل الناس شايفاكى


غريبه فى زمان مكسور


زمن مقهور



زمن لا يعرف الملكة


ولا شاف الكمال والنور
الف شكر دكتور
كلام جميل عاشت ايدك
شكرا لمرورك العذب
ترعاك عين الله


من مواضيع : د. محمد عبد المطلب جاد - أغار عليك (2)

- يا رب غزة (3)

- أغار عليك (4)

- منفى باوطانى

- إنكار

  7  
قديم 2010-03-31, 10:53 PM د. محمد عبد المطلب جاد

المشاركة الأصلية كتبت بواسطة بنت الحارثية مشاهدة المشاركة
عملتى أيه



بارك الله فيك
شرفت بك القصيدة
معذرة لتأخر ردى
دمت بخير



من مواضيع : د. محمد عبد المطلب جاد - من دروس الحذاء ( درس جديد 6 )

- شعر عربي فصيح,قمت اصبح

- صباح الأمل

- من دروس الحذاء (5)

- سوق العبيد

  8  
قديم 2011-10-03, 07:44 PM sana dabbagh

كلمااات روعه



  9  
قديم 2012-05-22, 03:58 AM د. محمد عبد المطلب جاد

المشاركة الأصلية كتبت بواسطة sana dabbagh مشاهدة المشاركة
كلمااات روعه


**
بارك الله فيك ، لا حرمنى الله طلتك




من مواضيع : د. محمد عبد المطلب جاد - دواء لداءٍ عديم الشفاء

- يا رب عزة (1)

- من دروس الحذاء (5)

- خذنى

- يا رب غزة (3)

  10  
قديم 2015-07-13, 01:07 AM د. محمد عبد المطلب جاد

ياااااااااااااااااااااااااااااااه متى كان هذا الانفعال الجميل ، اللهم اخرجنا مما نحن فيه


من مواضيع : د. محمد عبد المطلب جاد - دواء لداءٍ عديم الشفاء

- أيوب

- إنكار

- حذاء الختام

- هموم الكوكب المأزوم

إضافة رد


اكتب تعليقك هنا
اسم العضو:
سؤال التحقق

أدوات الموضوع
تقييم هذا الموضوع
تقييم هذا الموضوع:

الانتقال السريع


الساعة الآن 04:21 AM.


®Powered by vBulletin
جميع الحقوق © 2016 ، كافة الحقوق محفوظة لمجتمع الاحلام